Отворен ден на училиштето - 29.05.2012
Идни средношколци, посетете го Средното стручно општинско училиште „Коле Неделковски“ на отворениот ден на училиштето и запознајте се одблиску со струките и образовните профили кои се изучуваат. Преку отворена комуникација со наставниот кадар дознајте се она што ве интересира за одреден образовен профил. Посетете не на 29.05.2012 година. ВЕ ОЧЕКУВАМЕ !!!
Прием кај Директорот на училиштето
Директорот на Училиштето, Г-дин Валентин Елисковски ги прими Шампионите во футсал на овогодинешната Гимазијада која се одржа во Прилеп. Дарко Митревски, Саздовски Никола, Јавашев Никола (Петарда), Леовски Игор, Перовски Тоше, Коцевски Стефан, Дураковски Анѓел, Мирчевски Дејан, Панов Далибор, Ален Плакиќ и професорот по спорт и спортски активности Леонид Таневски достојно го преставуваа училиштето и во многу јака конкуренција го освоија првото место во футсал. ЧЕСТИТКИ !!!
УЧЕНИЦИТЕ ОД ССОУ „КОЛЕ НЕДЕЛКОВСКИ ГО ОСВОИЈА ПРВОТО МЕСТО ВО ФУТСАЛ НА ГИМНАЗИЈАДАТА НА УЧИЛИШНИ СПОРТСКИ ИГРИ - ПРИЛЕП 2012
Од 10 до 12 мај 2012 година, во Прилеп, се одржа осмата по ред Гимназијада на училишни спортски игри. Министерот за образование и наука м-р Панче Кралев е покровител на овогодишната Гимназијада – Прилеп 2012, заедно со Агенцијата за млади и спорт и градоначалникот и Советот на општина Прилеп. Министерството оваа година обезбеди спортска опрема за спортовите застапени на Гимназијадата.
За време на овогодишната манифестација на спортските натпревари во ракомет, кошарка, голем фудбал, футсал, одбојка, атлетика, и стреличарство како промотивен спорт, силите ги одмерија над 800 средношколци од Република Македонија. За најдобрите на оваа Гимназијада, како и за најдобрите од државните првенства за основните училишта, ќе бидат организирани училишни спортски летни кампови во втората половина на јуни во Охрид и Дојран.
31-ви Државни натпревари на електротехничките, машинските и сообраќајните училишни центри
Домаќин на 31-те Државни натпревари на електротехничките, машинските и сообракајните училишта на Р. Македонија беше СОУ „Коле Нехтенин“ од Штип. Натпреварите се одржаа на 11.05.2012 година а учество земаа 21 училиште од републиката. Учениците се натпреваруваа во три струки: Електротехничка (Елекротехничар енергетичар, Електротехничар за електроника и телекомуникации, Електротехничар за компјутерска техника и автоматика, Електроинсаталтер монтер и Електромеханичар), Машинска (Машински техничар, Машинско енергетски техничар, Автотехничар мехатроничар, Бравар, Машинбравар, Металостругар и Заварувач) и Сообраќајна струка (Техничар за транспорт и шпедиција). Многу медали и дипломи за нашите преставници. Им честитаме на успехот !!!
